Қостанай облысы әкімдігі білім басқармасының «Қостанай қаласы
білім бөлімінің № 17 жалпы білім беретін мектебі» КММ
КГУ «Общеобразовательная школа № 17 отдела образования города

Костаная» Управления образования акимата Костанайской области

10–14 қараша аралығында, Дүниежүзілік энергияны үнемдеу күніне орай, 8–11 сыныптарда энергияны тиімді пайдалану мәселелеріне арналған сынып сағаттары өтті. Оқушылар энергияны үнемдеудің маңыздылығы, қазіргі заманғы энергоүнемді технологиялар және күнделікті өмірде ресурстарды үнемдеудің қарапайым тәсілдері туралы ақпарат алды. Сынып сағаттары экологиялық жауапты мінез-құлық пен энергияны ұқыпты пайдалану дағдыларын қалыптастыруға ықпал етті.

13–14 қараша аралығында мектепте «15 қараша – Ұлттық валюта күні» атты сынып сағаттары өтті. Іс-шаралар Қазақстанның ұлттық валютасы – теңгеге арналды.

Сабақ барысында оқушылар ұлттық валютаның пайда болуы мен дамуы тарихымен танысып, алғашқы банкноттар мен тиындардың дизайны мен символикасы туралы қызықты мәліметтер алды, сондай-ақ теңгенің ел экономикасын нығайтудағы рөлін білді. Мұғалімдер қазіргі қоғамдағы қаржылық сауаттылықтың маңызы туралы әңгімелеп, оқушылар викториналар мен танымдық ойындарға қатысты.

Сынып сағаттары оқушылардың мемлекеттік рәміздерге деген құрмет сезімін арттырып, отансүйгіштік пен елге деген мақтаныш рухын қалыптастыруға ықпал етті.

24 қазан күні мектебімізде «Республикaм — мақтанышым» атты сынып сағаттары өтті, бұл іс-шаралар Қазақстан Республикасының күніне арналды.
Іс-шара барысында оқушылар бұл маңызды мемлекеттік мерекенің тарихымен, оның халық пен ел үшін маңызымен танысты.

Сынып сағаттарында оқушыларға 2022 жылы Қазақстан Республикасының Президенті Қасым-Жомарт Кемелұлы Тоқаевтың тапсырмасы бойынша бұл күнге ұлттық мереке мәртебесі қайтарылғаны туралы айтылды. Бұл шешім тарихи жадыны сақтау мен қазақстандық мемлекеттіліктің қалыптасу кезеңдеріне құрметпен қараудың маңыздылығын айқындады.

Оқушылар мұғалімдердің әңгімелерін қызыға тыңдап, еліміздің рәміздері, дәстүрлері мен жетістіктеріне арналған викториналар мен шығармашылық тапсырмаларға белсенді қатысты.
Мұндай іс-шаралар өскелең ұрпақтың отансүйгіштік сезімін, туған еліне деген мақтаныш пен Қазақстан тарихына деген жауапкершілігін тәрбиелеуге ықпал етеді.

Қазақтың көне де терең мағыналы зияткерлік ойыны -тоғызқұмалақты насихаттау және мәдени мұраны сақтау мақсатында Тоғызқұмалақтың Дүниежүзілік Федерациясы 9 қыркүйекті Тоғызқұмалақ күні деп жариялады.

Осыған орай мектебімізде осы ерекше ойынға арналған флешмоб ұйымдастырылды. Шараға 5-11-сынып оқушылары белсене қатысты. Оқушылар қызығушылықпен ойын ережелерін меңгеріп, өз күштерін сынап көріп, бір-бірімен сайысып, логикалық ойлау қабілетін, зейінділігін және жеңіске деген ұмтылысын көрсетті.

Дене шынықтыру пәнінің мұғалімдері оқушыларға белсенді түрде қолдау көрсетіп, ойынның мәнін түсіндіріп, ережелерін үйретуге көмектесті.

Өткізілген бұл шара оқушылар үшін тек қызықты ойын ғана емес, сонымен қатар қазақ халқының бай мәдени мұрасымен жақынырақ танысуға мүмкіндік беріп, ұлттық зияткерлік ойындарға деген қызығушылықтарын оятты.