Қостанай облысы әкімдігі білім басқармасының «Қостанай қаласы
білім бөлімінің № 17 жалпы білім беретін мектебі» КММ
КГУ «Общеобразовательная школа № 17 отдела образования города

Костаная» Управления образования акимата Костанайской области

Республика күні қарсаңында "Адал азамат" Бірыңғай тәрбие бағдарламасының "Шабыт" және "Балалар кітапханасы" республикалық жобаларын іске асыру шеңберінде Қазақ тілі мен әдебиеті мұғалімдерінің әдістемелік бірлестігі "Айтыс – халық қазынасы"тақырыбында ашық іс-шара ұйымдастырды.
Оқушылар ұлттық құндылықтарды дәріптей отырып, айтыстың жарқын мысалдарын (бәдік-айтыс, айтыс-жұмбақ, жануарлар туралы айтыс, ұлдар мен қыздар арасындағы айтыс, жар-жар) көрсетті.
Тіл мен әдебиетті оқытуда жасанды интеллект құралдарын енгізу аясында виртуалды айтыс ұсынылды. Қатысушылар CoPilot жасанды интеллект құралының көмегімен мектеп, мұғалім, жастар тақырыптарында өлеңдер ұсынды.
Байқау қорытындысы бойынша "виртуалды айтыстағы сөз Виртуозы"номинациясы бойынша жеңімпаз анықталды.

26-қыркүйек күні мектебімізде Абай Құнанбайұлының 180 жылдық мерейтойына арналған «Адамзаттың асылы-Абай» тақырыбында іс-шара ұйымдастырылды; Іс-шараның мақсаты-өскелең ұрпаққа Абай шығармаларын насихаттау, «Адал азамат» біртұтас тәрбие бағдарламасы аясында «Кітап оқитын ұлт» жобасын қалыптастыру; Іс-шараның 1-бөлімінде қалалық,облыстық Абай оқуларының жеңімпаздары Берікқызы Аяна, Жолдас Аяжан,Қайырлы Ақбота Абай атамыздың өлеңдерін,қара сөздерін жатқа оқыса,мектебіміздің күйшілері әсем күйлерін күмбірлетіп,кештің шырайын келтірді; Оқушылар Жиделі-Бөрілі мұражайына виртуалды 3D-тур жасап,Абай шығармашылығы жайлы online quiz ойынында белсенділік танытты; Іс-шараның 2-бөлімінде жас Абайтанушы,Қостанай қаласындағы Абай мектебінің қазақ тілі мен әдебиеті пәнінің мұғалімі,ынтымақтастық аясында Абайдың туған жеріне барып келген ақын Нұрсұлтан Мырзабекұлымен сұхбаттасты.Гүлім Әнуарбекқызы жүргізген сұхбатта Абай шығармаларын,Абайдың жаңа қырларын таныту мәселелері туралы айтылды.

Бүгін, 16 қыркүйек күні бастауыш сынып оқушылары Русь драма театрына барып, «Теремок» қойылымын тамашалады.

Ертегі ерекше форматта – экология тақырыбында ұсынылды. Балалар актерлердің жарқын ойынын ғана тамашалап қоймай, табиғатты аялау, жан-жануарларды және қоршаған ортаны қорғау жөнінде маңызды сабақ алды.