Қостанай облысы әкімдігі білім басқармасының «Қостанай қаласы
білім бөлімінің № 17 жалпы білім беретін мектебі» КММ
КГУ «Общеобразовательная школа № 17 отдела образования города

Костаная» Управления образования акимата Костанайской области

2025 жылғы 18 қазан күні мектепте 8–10 сынып оқушыларына Қостанай қаласы ПБ ЖПҚБ УПД КҚПБ полиция капитаны Каримбаев М.Д.-ның қатысуымен профилактикалық әңгіме өткізілді.
Кездесу тақырыптары: «Мектепке өткір және қауіпті заттарды әкелуге тыйым салу». «Темекі бұйымдарын және электронды сигареттерді қолдануға тыйым салу». Әңгіме барысында оқушыларға қолданыстағы заңнама нормалары, құқықбұзушылықтар үшін көзделген жауапкершілік шаралары, сондай-ақ құқыққа қайшы әрекеттердің қауіптілігі мен салдары туралы ақпарат берілді

2025 жылғы 16 қыркүйекте мектепте 9-сынып оқушыларының №2 емхананың маманы Жанғабылова Г.Б.-мен «Нашақорлықтың алдын алу. Психоактивті заттардың адам ағзасына зияны» тақырыбында кездесуі өтті.

Кездесу барысында Жанғабылова Г.Б. психоактивті заттардың, әсіресе жасөспірім ағзасына тигізетін зиянды әсері туралы айтып берді. Ол бұл заттардың орталық жүйке жүйесіне, жүрекке, өкпеге және басқа да мүшелерге қалай әсер ететінін, сондай-ақ олардың ауыр зардаптарға әкелуі мүмкін екенін түсіндірді.

Практикалық бөлімде маман психоактивті заттарды шеккенде өкпеде қандай өзгерістер болатынын көрсететін көрнекі тәжірибе жүргізді. Бұл оқушыларға зиянды заттардың тыныс алу жүйесіне қалай әсер ететінін анық көрсетті.

Сонымен қатар, оқушылар тақырыпқа байланысты бейнеролик көріп, алған білімдерін бекітіп, салауатты өмір салтын ұстанудың маңыздылығын түсінді.

Бұл дәстүрге айналған жыл сайынғы шара оқушыларды, мұғалімдерді және бүкіл мектеп қауымдастығын денсаулық, белсенділік пен командалық рух секілді басты құндылықтар төңірегінде біріктіреді.

Мереке салтанатты жиыннан басталды, онда Денсаулық күні ресми түрде ашық деп жарияланды. Оқушыларды мерекемен хореографиялық «Рауан» ұжымы құттықтап, көрермендерге әсерлі би қойылымын тарту етті. Сыныптар өздерінің салауатты өмір салтына арналған ұрандарын бірігіп дауыстап айтып, көтеріңкі көңіл-күй мен белсенді атмосфера орнатты.

Жиыннан кейін Мектеп Парламентінің мүшелері көңілді жаттығу жүргізіп, барлық оқушыларды белсенді күнге серпілтті.

Одан кейін оқушылар өз бағыттары бойынша іс-шараларға аттанды:

7, 8 және 9-сыныптар алдын ала дайындалған бекеттер бойынша жүріп, спорттық тапсырмалар мен сайыстарға қатысты;

4 және 5-сынып оқушылары ептілік, жылдамдық пен командалық рухты қажет ететін «Көңілді старттар» сайысында бақтарын сынады;

6, 10 және 11-сыныптар волейбол және пионербол секілді командалық ойындарда жарысты.

Мерекелік күн өте белсенді және жарқын өтті, қатысушыларға көптеген жағымды эмоциялар, спорттық жігер және бірлескен жеңістердің қуанышын сыйлады. Мұндай шаралар тек денсаулықты нығайтып қана қоймай, оқушыларды жақындастырып, командада жұмыс істеуге және бір-бірін қолдауға үйретеді.