2025 жылғы 10 қыркүйекте №17 жалпы білім беретін мектепте Отбасы күніне арналған тренинг өтті. Іс-шараның мақсаты – отбасылық құндылықтарды нығайту, оқушылардың жақындарына деген құрметін арттыру және отбасының әр адамның өміріндегі маңызын түсіндіру болды.
Тренинг барысында қатысушылар «Отбасы деген не?», «Менің отбасымдағы дәстүрлер» сияқты тақырыптарды талқылап, сенімділік пен түсіністікті дамытуға бағытталған түрлі жаттығуларға қатысты. Сонымен қатар, отбасыдағы жауапкершілік пен қолдау көрсету мәселелері де қозғалды.
Іс-шара жылы әрі достық атмосферада өтті. Қатысушылар белсенділік танытып, пікір алмасуға ашық болды. Тренинг соңында көптеген қатысушы бұл шараның өз отбасына деген көзқарасына оң әсер еткенін және отбасылық қарым-қатынасты нығайтуға шабыт бергенін атап өтті.
